Qimusserneq

Pinngortitamik kulturimillu qamuuna kissatsitsisumik misigisaqarniaraanni

Issi apullu akornutaanngillat

Pinngotitap takoranneqisup qimusserluni misigisarnera, sisoraatinik imaluunniit qamuteralannik angalaarnernit nallerneqarsinnaanngilaq. Imaassinnaavoq arriinnerusumik ingerlanermi qimusserluni aqqutaani misigisat ilukkut suliarilluarsinnaaneri imaluunniit immaqa qimmit anertikkarpalunneri akuttoriiaartumik pangalippalunnerinik akullugit, nipaassuarmi malunnarnerulersutut ilisarneri alutornaqutaapput.

Pinngortitami qimmit inuillu suleqatigiittut misigisaqarfiginiassagaanni, silaannaap nillertittarnera akornutigineqarsinnaanngilaq. Illillumi issittumiikkusuttanngikkaluaruilluunniit, puisip amianik atisalersoruit tuttullu amianik tippileriarlutit kissartumik tiitorneq nalissaqanngilaq.

Misigisat assigiinngitsut kattunneri

Pinngortitaq misigisaqarfiginiaraanni qimusserneq qularnanngitsumik alutornarnerpaavoq. Kalaallit Nunaanni qimussernerup immikkuullarissutigisaasa ilagaat, angalanermi kulturitoqqap misigisaqarfigisinnaanera.

Avatangiisit pissusaannut pikkunartunut naleqqussarsinnaanitsinnut qimusserneq uppernarsaataavoq. Issittumi allami pissutsit assiginagit, Kalaallit Nunaanni qimusserneq inooriaatsimut nammineq toqqakkamut atasuuvoq pinngitsoorneqarsinnaanngitsoq. Pinngortitamut qanittumi pinngortitamilumi inuuneq kinaassutsitsinnut qitiuvoq, taamaammallu pinngortitaq qanikkukku aamma kulturi qanissavat.

Qimmit qimuttut

Ualikkut qimusserneq puigugallagassaanngilaq. Nippaarillutik issilerneranut akiuussutissaminnik torsusuumik meqqoqarlutik sumiluunniit arajutsisassaanngillat.

Qimmit qimuttut nukissaqarnerat qasujaannerallu assissaqanngilaq, qimmillu ingerlaannaq aallarnissaminnut piareeqqammata, aallaqqullugit naalakkertariaqanngillat. Qimmiutilik takuinnarlugu qimmit qilullutillu pissittarput, qamutillu tigulluartitersimanngikkaanni qimmit qamutit uniarlugit aallariissapput.

Qimussernermik piginnaaneqarneq

Qimmit qimuttut motooritut nukittuutut ipput, qimussernermili nersortarialik tassa qimussertoq. Suaarluni naalakkiillattaalluni iperaatserlunilu allamik sakkoqarani, qimussillaqqissut piniariartarfimminnut aalisartarfimminnullu qimmit isumannaatsumik ingerlattarpaat.

Qimmit aqussinnaanngikkaanni ajunaanermik kinguneqarsinnaammat, qimmeqatigiit aqussinnaanissaat pisariaqarluinnarpoq. Kalaallit Nunaanni qimmeqarfinni najugallit tamanna ilikkajaartarpaat. Qimussernermik piginnaasat kinguaariiaanit kingorngunneqartarput, meeqqat aamma namminneq mikisunik qamuteqarlutillu namminneq qimmeqakkajupput. Qimmilli ungatitassatut isigineqaratik sulisussatut isigineqartarput. Kalaallip inuusuttup siullerpaamik nammineq qimmiminik qaqqaq itivillugulu sikukkoorsinnaalernini tulluusimaarutigisaqaa.

Nalunngiliuk?

1. Qimusserneq Kalaallit Nunaanni ukiut 4000it pallillugit piniarnermi assartuinermilu atorneqartarnikuuvoq. Ullutsinnilu aamma nunatsinni najugaqartut takornariallu sukisaarsaarutigisalerpaat.

2. Ukiumoortumik qimussimik sukkaniunneq Avannaani pisartoq taaneqartarpoq.

3. Illoqarfinni nunaqarfinnilu Kalaallit Nunaata kitaani qaasuitsumiit avannarpasinnerusuni tamani, Tunumilu illoqarfinni nunaqarfinnilu tamani qimussertoqartarpoq.

4. Qimmip qimuttup qimminit allanit akuneqannginnissaanut sakkortuunik malittarisassaqarmat allanit akuneqarnikuunngilaq. Qimmit racit allat qimmeqarfinnukaateqqusaanngillat. Qimmit qimuttut Avannaaniit Tunumiilluunniit aallarunneqartut eqquteqqeqqusaanngillat.

Kalaallit nunaanni illoqarfiit qimussiussisartullu

Tunumi

▪ Tasiilaq

▪ Kulusuk

▪ Kuummiut

▪ Ammassalik, Ikkatseq, Paarnagaik, Qerndivardi, Tiniteqilaaq, Sermilik Fjord

Destination Arctic Circle

▪ Kangerlussuaq

▪ Sisimiut

Walking in the land road in the summer in south Greenland. Photo by Aningaaq R Carlsen - Visit Greenland

Pisuttuarneq

Timaata isorartoorujussuarmi qaqqat inngissui tatsillu qillarissut, illoqarfiliornerit ajortinneqarnikuunngillat. Oqakkajuppugut; pinngortitamut qanittumi illuliortaraluarluta silamiinneq ilutsigut pilluarnarnerpaatipparput.

Nuuk Art Museum director Nivi Pedersen talks about the Kimik exhibition with visitors. Photo by Rebecca Gustafsson - Visit Greenland

Katersugaasiviit

Kalaallit Nunaanni katersugaasiviit iserlugit soorlu ulluni nutaaliani oqaluttuarisaanermi kulturit eqqumiitsulioriaatsillu qimerloorneqarsinnaapput.

Kayaking along the cliffs of the Kangerlussuaq fjord in Greenland. Photo by Mads Pihl - Visit Greenland

Qajartorneq

Kalaallit Nunaanni najugaqalersut siulliit ullutsinnilu misigisassarsiorlutik sapiisertartut ulluinnarnilu pinngortitami misigisartakkat kulturikkut atassuteqaatigaat qajartorneq.