Kujataani savaateqarfiit Tunumilu inuiaqatit avinngarusimasumiittut naapinneqarsinnaapput kiisalu avannaani qaqqaq asannittorpalaartumik uummatitut isikkulik takuneqarsinnaalluni – tamakkua assissaqanngitsut tamarmik Kalaallit Nunaannik pisuunngortitsisunik allanngoraqisunillu paasisassarsiorfissaqarput. Nunatsinni tamani takornarialeriffiit ”namminneq Kalaallit Nunartik” takutinniarlugu utaqqiinnarput. Ukioq mannaannaq nunarsuatsinni tamaneersut 100.000it takornariarnissaat naatsorsuutigineqarnikuuvoq, COVID-19li pissutigalugu avataaniit tikittussat tamarmik mattunneqarlutik.
Nunarput Misissuataaruk
Kalaallit Nunaat angeqaaq takorannersunik imminullu asortuuttutut ittunik ulikkaarluni, nunatsinni najugaqartunulluunniit tupaallannarsinnaasunik.
Taamaakkaluartoq takornarialerisut suli pisuttuartitserusupput, imaatigut angalatitserusupput, illoqarfinni takornariartitserusupput ilisimasortalimmillu katersugaasivinnukartitserusullutik. Taamaammat Kalaallit Nunaanni feeriaruit nunat pillugu ilisimasaqarnerulernissat qularnanngilaq – taavalu aamma innuttaaqatitit ajornartorsiornermik eqqugaanerpaasut ikiussallugit.
Qajartorneq
Kalaallit Nunaanni najugaqalersut siulliit ullutsinnilu misigisassarsiorlutik sapiisertartut ulluinnarnilu pinngortitami misigisartakkat kulturikkut atassuteqaatigaat qajartorneq.
Pisuttuarneq
Timaata isorartoorujussuarmi qaqqat inngissui tatsillu qillarissut, illoqarfiliornerit ajortinneqarnikuunngillat. Oqakkajuppugut; pinngortitamut qanittumi illuliortaraluarluta silamiinneq ilutsigut pilluarnarnerpaatipparput.
Qimusserneq
Pinngortitamik kulturimillu qamuuna kissatsitsisumik misigisaqarniaraanni. Issi apullu akornutaanngillat.
