Nunarput Nuan

Inuutillunga misiginiarpara!

Kalaallit Nunaanni

sulinngiffeqarnissamut
peqqutissatsialaat pingasut

Nunarsuarput siornatigut eqqorneqarnikuunngisaannakkamisut Covid-19imik eqqorneqarpoq. Killeqarfiit matoorarput, napparsimmaviit ulapaarfioqaat angerlarsimaffimmiillu aneqqusaanani, tamakkuupput malunnaataaqisumik ulluinnarni inuunitsinnik allannguisut – maannakkuugallartoq. Nalorninerup kinguneranik nunarsuatsinni tamani nunat innuttatik angerlarsimaannaqquaat. Aamma sulinngiffeqarnerup nalaani – tamatuma isumannaannerunera kisiat pissutiginagu aammali nunavit aningaasaqarniarneranut iluaqutaassammat. Taamaammat eqqarsaatiginikuunngisaannakkattut sooq nammineq nunanni ilisimasassarsiussanngilatit?

Fishing View. Photo by Peter Lindstrom - Visit Greenland

Nammineq nunat atassuteqarfigineruleruk

Angalalluta nutaanik misigisaqaraangatta, sumiiffinnut atasutut ilertarpugut. Kulturikkut, pinngortitakkut oqaluttuarisaanikkullu nunavit qanoq pisuujutiginera paasisassarsiorfigiuk. Kalaallit Nunatsinni alianaaqisumi arlaannik misigisaqarniarluta tamatta takorluugaqarpugut. Sooq utaqqeqqissavit – nammineq nunanni takornariatut angalaarnissannut piffissaq pitsaanerusinnaanngilaq.

Kids Making Twist Bread. Photo by Aningaaq R Carlsen - Visit Greenland

Innuttaaqatitit
iluasaarfigikkit

Suliffeqarfiit takornarialeriffiit ingerlaannarsinnaanissaminnut pisariaqartippaatsit – taava sooq misigisinnaasat nutaat misigisassallu assigiinngitsut takornarialerisut ataatsimut aaqqissuussaat atorluassanngiligit? Kalaallit Nunaata pitsaanerusumik akikinnerusumillu misigisaqarfiginissaanut periarfissaqalerputit.

Two women taking a selfie by the fire on the beach in Nuuk in Greenland

Ilaquttat ikinngutillu qaqutigoorpallaartumik takusakkatit naapikkit

Sulinngiffeqarnermi nuannernerit ilagaat ilaquttat ikinngutillu naapissinnaaneri. Kalaallit Nunaata iluani angalaneq aatsaat taamak akikitsigilersillugu, takornarialeriffiit assigiinngitsunik nutaanik aaqqissuussaqarput – misigisinnaasallu immaqa ilissi nammineq aaqqissuussinnaanngisasi ilanngullugit.

"Nunarput Nuan"

#NunarputNuan

“Nunarput Nuan” Katsi Kleistimit Frederik Elsnerimillu erinarsorneqartoq saqqummerpoq!

Taallaq
Erinarsuut akeqanngitsumik aaguk

Misigisat nuannersut

“

Siullermeertumik Tunu takornariarakku pinngortitarsuaq kusanarnerpaaq takuara, qaqqarsui ingasak! Angmagssaliup qeqertaa kaajallallugu umiatsiarpunga, aqqutaani qivittulersaarfigitikkama Ikkatsimut niugatta quilertaqaanga.

Ivalu Barlach ChristensenNunatta Kangia
“

Uagut Kitsissuarsulialaarpugut arferit silaannarissuullu qeqqanni. Qeqertaarannguaq imaannarsuup qeqqani anersaarfissamik ulikkaartoq. Piffik isikkivigissoq, inuttanngui inussiarnersut nipaassuarlu kisimi eqqissinarpoq.

Sussi AdelholmKitsissuarsuit
“

Arsuk ukiut tallimat tikinneqarnagu, tikillugu nunataata tipiginnera naamanaqaaq.

Cecma JakobsenArsuk
“

Qaqortumiit Sisimiunut sinersortaammut ilaallinga avannamukarujoorpunga. Tassani misigivara umiatsiamik angalaaqattaarujussuarneq, puisinniarneq niisanniarnerlu. Nunarput aamma kusanaqaaq angalaffigalugu, misigisaq nuannerujussuarpoq.

Arnajaraq DavidsenSisimiut & Itilleq
“

Savaateqarfimmiikkama Qorlortup Itinnerani aatsaat taamak qorsooqqitsigisumik takuvunga, nuanningaarmat taakaniinnera oqaasertaleruminaappoq. Avinngarusimanera aammalu ippernaqannginnera assut nuannerpoq. Neriullunga qaqugu pinerpoq taakungaqqikkumaarlunga.

Aputsiaq BrandtQorlortup Itinnera
“

Vaigat umiatsiamik aqqut takisooq ingerlaarfigalugu alutornartuaannarpoq, kusanartorsuarnik akileriinnik qaqqaqartut qimerloorlugit, aasaq manna kingumut takoqqilaarpara.

Lars-Christian Ole KruseSullorsuaq
“

Ullualuit Igalikumippugut, panitta Albap nuannareqisaanik. Maani biilit sianigisariaqanngillat - taamaattoq arpaqattaartoqarsinnaavoq, ujaqqani qaarsunnilu qallorluni pinngortitamilu ilorrisimaarluni.

Noelle SimoudIgaliku

Kalaallit Nunaat paasisassarsiorfigiuk

Angallavissavit pisiarinissaannut piffissanngorpoq!

Kalaallit Nunaat angeqaaq nutaanik, pissanganartunik allaanerusunillu misigisaqarfigissallugu periarfissarpassuaqarluni.

Kayaking along the cliffs of the Kangerlussuaq fjord in Greenland. Photo by Mads Pihl - Visit Greenland

Qajartorneq

Kalaallit Nunaanni najugaqalersut siulliit ullutsinnilu misigisassarsiorlutik sapiisertartut ulluinnarnilu pinngortitami misigisartakkat kulturikkut atassuteqaatigaat qajartorneq.

Atuaruk
Walking in the land road in the summer in south Greenland. Photo by Aningaaq R Carlsen - Visit Greenland

Pisuttuarneq

Timaata isorartoorujussuarmi qaqqat inngussui tatsillu qillarissut, illoqarfiliornerit ajortinneqarnikuunngillat. Oqakkajuppugut; pinngortitamut qanittumi illuliortaraluarluta silamiinneq ilutsigut pilluarnarnerpaatipparput.

Atuaruk
Fly fishing equipment in South Greenland. Photo by Mads Pihl - Visit Greenland

Sukisaarsaatigalugu alisariarneq

Kalaallit Nunaanni eqalunniarneq tassaavoq nalunnginnittunut narrutuunullu tulluartoq. Tamannami inuilaarsuarmik misigisaqarusuttunut, avinngarusimasumi qaqqat qooruini kuunni innarlerneqarsimanngitsuni sukkasuumik ersaarissumillu kuuttuni aalisarfissatsialaavoq.

Atuaruk
Nuuk Art Museum director Nivi Pedersen talks about the Kimik exhibition with visitors. Photo by Rebecca Gustafsson - Visit Greenland

Katersugaasiviit

Kalaallit Nunaanni katersugaasiviit iserlugit soorlu ulluni nutaaliani oqaluttuarisaanermi kulturit eqqumiitsulioriaatsillu qimerloorneqarsinnaapput.

Atuaruk
 

Misigisassatut aaqqissuuteriikkat

Ataatsimut aaqqissuussamik angalaneq tassaavoq, angalanermi ataatsimi assartuussinerit, unnuinerit misigisinnaasalluunniit minnerpaamik marluk ataatsimut neqeroorutigineri, taakkualu nalinginnaasumik akikinnerusarput, namminerlu aaqqissuussinissamiit iluarnerusumik aaqqissuussaasarlutik. Taava kuffertivit poortornissaa kisiat eqqarsaatigalugu misigisassannut qilanaaginnarsinnaavutit.

Misigisassatut aaqqissuuteriikkat
 

Sakkussat

Suliniut Nunarput Nuan peqataaffigiuk, taamatullu inuiaqatigiinnik
Kalaallit Nunaannilu takornarialerisunik tapersersuinerit takutillugu!

Takukkit

Instagram

#NunarputNuan

Hashtag #NunarputNuan atorlugu Kalaallit Nunaanni misigisatit alianaatsut siaruartikkit!
Illoqarfimmi nunaqarfimmiluunniit najukkanni  imaluunniit allarluinnarmi tulluusimaarutigisatit, uagutsinnut takutikkit!