Angalanerit ataatsimut aaqqissuussat tassaapput angalanermi assartuinerit (timmisartoq/umiarsuaq), unnuinerit kiisalu/imaluunniit misigisassat minnerpaamik marluk, nalinginnaasumillu taakkua akikinnerullutillu nammineq aaqqissuinermiit iluarnerusumik aaqqissuussaasarput.
Angalanissat ataatsimut aaqqissuussat piffissami matumani pingaaruteqarput – nunatsinni najugaqartunut angalarusuttunut aammali takornarialerisunut. Ataatsimut aaqqissuussamik angalasut angalanermi inniminnigassat piareersimasarput, angalanerillu misigisassarpassuaqartarlutik.