Qajaq assartuutitut piniutitullu Issittumi atorneqaleqqaarpoq, kangimullu siaruaakkiartornerani Kalaallit Nunaanni najugaqalersut siulliit, ukiut 4000it sinnerlugit matuma siorna tamaani nunasisut atugaralugu.
Qajartorneq
Kalaallit Nunaanni najugaqalersut siulliit ullutsinnilu misigisassarsiorlutik sapiisertartut ulluinnarnilu pinngortitami misigisartakkat kulturikkut atassuteqaatigaat qajartorneq.
Qajaq avataasiuut kalaallit nunaanni atorneqalerpoq
Qajartorsinnaaneq Kalaallit Nunaanni ulluinnarni inuuniarnermi piniarnermik kultureqarnermut ima qitiutitsigilerparput, allaat ulloq manna tikillugu inuiattut naleqqussallaqqinnitsinnut kulturikkut ilisarnaatigilluarlutigu.
Nunami tamarmi qajaq atorneqarpoq
Nunatsinni sumi tamani qajartornermik aaqqissuisartut qaannanillu attartortitsisartut oqaluttuarput, Kalaallit Nunaannut takornariartartut qajaq alutorsaatigisaqigaat. Taakkua oqaluttuaat tusaaniarigit, ilikkagaqassajunnarsivutit. Ileqqutoqqat naapertorlugit kalaallit qaanniaat ullumikkut Avanersuarmiunerusoq piniarnermi atorneqartarpoq, qajarlu avataasiut nutaaliaq sineriammi tamani qaninnerusumut ungasinnerusumullu atorneqarnerusarluni.
Pinngortitap qanilluinnarnera, immap qaavata attuumanera, akuttoqatigiiaartumillu paariartarneq kiisalu nammineq talit atorlugit angalasinnaaneq, ullutsinni ulluinnarni tupinnartumik misigisaqarusullutalu misigisassarsiorluta sapiiserusuttarnitsinnut tulluartuusoq nassuerutigisariaqarpoq.
Alutorsaatigineqartunut aamma ilaapput Ilulissat, arferit, puisit, timmiarpassuit, illoqarfiit nunaqarfiillu kiisalu sineriak allanngorartuarluni issittumiineq immikkut misigisaqarfiutippaat, taamatullu angalasut ilaannut angalaqatit katerisimaaqatiginissaat aqqutaani pinngortitap misigisaqarfiginissaanitulli pingaartigisarpoq.
Sapiiserlutik misigisassarsiortuniit illoqarfiit pingaarnersaannut utikattunut
Anori silalu apeqqutaatillugit avatangiiserput tamanut ammajuaannarluni orninneqarsinnaajuaannarmat qujagisariaqarparput, kiisalu avatangiisinut akisussaaffilittut timaaniinnermilu malittarisassat nalinginnaasut malikkaanni, sumiluunniit unilluni tammaarsimaartoqarsinnaalluni.
Kangerlunni ilaatigut qummut sivingaqisunik innaqarpoq, arlaannili tammaarsimaarfissaqqissumik nassaaruit qanittumi allanik inoqarnissaa qularnarluni. Maanilu oqaraanni ’qanittumi’, takusinnaasat – taakkualu ungataat – pineqartarpoq”.
Kalaallit Nunaannili qajartorniaraanni avinngarusimasumi kangerlummiittariaqaranilu pissutsit sapiisernartut atortariaqanngillat. Ilisarisimasatta ilaat Nuummiit Qinngorpumut qaannamik ikaartarput, ukiullu tamaasa aasaanerani illoqarfiit talittarfiini meeqqat kinngusaqattaarnermik sungiusartarput, umiarsuillu takornariartaatit tikikkaangata qaannamik takutitsisoqartarluni, takornariatulli uagutsinnut takorannersumik.
Qajartortitsisartut
Kujataa
▪ Qassiarsuk
▪ Qaqortoq
▪ Narsarsuaq
Qimusserneq
Pinngortitamik kulturimillu qamuuna kissatsitsisumik misigisaqarniaraanni. Issi apullu akornutaanngillat.
Pisuttuarneq
Timaata isorartoorujussuarmi qaqqat inngissui tatsillu qillarissut, illoqarfiliornerit ajortinneqarnikuunngillat. Oqakkajuppugut; pinngortitamut qanittumi illuliortaraluarluta silamiinneq ilutsigut pilluarnarnerpaatipparput.
